Býsna einkennilegt sport

Býsna einkennilegt sport þessi krikket.
Þetta er stundum sýnt á SKY fréttastöðinni.

Í öllum löndum sem spila krikket er vinstri umferð..

Völlurinn er á stærð við 10 fótboltavelli og boltinn á stærð við tennisbolta.
Enginn áhorfandi sér neitt. Ef einhver skorar spyrst það bara smám saman út.

Venjulegur leikur stendur yfir í fimm daga.
Einnig er til svokallaður hraðleikur sem stendur yfir í 3 daga.
Allir leikmenn eru með hvítan varalit.
Það er enginn hálfleikur eins og í fótbolta, heldur er te, yfirleitt um um hádegisleytið.

Í fótbolta eru algeng úrslit eitthvað á borð við eitt núll, eða þrjú tvö.
Í handbolta u.þ.b. 20 til 30 mörk á lið og sá vinnur sem skorar fleiri. ( ! )

Í krikket eru algeng úrslit einhernvegin svona:

247.3 * 54B (17 overs)

En athugið að þar er aðeins um annað liðið að ræða.
Hitt liðið fær:

419W (wickeds) * 53,86

Og eins og allir sem kunna eitthvað í krikket sjá náttúrulega strax er hér um
að ræða jafntefli.

Aðal keppnin er kölluð the ashes , heimsmeistarakeppni landsliða. Þar er keppt um bikar sem er úr leir og er 3 cm á hæð.

Hægt að hengja hann á lyklakippu til dæmis.

Jamm . . .

TH

Athugasemdir

[Svafa (IP-tala skráð) 18.12.2007 kl. 21:25]

Ég var nú í krikketliði Íslands á Olympiuleikunum "72 - og þætti vænt um að íþróttin nyti skilnings. Það skildi hana að vísu engin annar en ég... þannig að ég var ein í liði... og tapaði þar af leiðandi... en svona komment hjálpa þessari göfugu íþrótt ekki, sko.